تشرين

 

تشرين يا شهر مِحتارْ ومحيّر

يا جَوّْ ما بيلحَق يروقْ تا ْيِتعوْكَر

متلَكْ بلادنا صارِت إيامها تشارين

زمانْ عليها الخيْر لا غيَّم ولا مطّر

بَدّي لمّا تْعرّي الشجَرْ لـْ كوانين

تعرّي الـْ حاملين عـلى رقابنا خنجر

بدّي تنضِّف بلادنا من الوحل والطين

تا يِرجَعْ وطَنّا الـْ مع عْصَافيرو تهجّر

بدّي نِتْحرّرْ منِ القَهْرِ وحَدّْ هالسكّين

متِل ما إبنْ ابراهيمْ مِن قَبلِنا تْحَرَّر

 

سامي الشرقاوي